活潑的小Dom

幸運地今日俾我book到一個專為BB檢查的醫生。唔知係咪等到悶得制，由４點等到５點幾先睇第一次，點知一照...小Dom用個背脊擋住唔想見人，攪到我又要等多個幾鐘，到第二次唔知係咪佢又悶得很，又唔肯瞓低，醫生話如果等多陣再照唔到就要再約另一日，可能小Dom唔想再黎睇依個醫生，佢就乖乖地就犯，俾醫生檢查，睇到佢有手指仔，好活躍，長左３cm。今次醫生抽左血，同佢度頸皮，都係睇左１５分鐘，我為左依１５分鐘就要等３個幾鐘，破左有史以來睇醫生等得最耐時間紀錄，掂呀！