小朋友的關心

當小朋友知道我有了小Dom，大家都好好奇，記得今日我著件衫短左少少，露出個小肚仔出黎，係中心行出行入的時候，發現有數對小妹妹的眼睛望住我個肚眼都唔眨，茶點過後，佢地忍唔住走過黎問；「姑娘，點解你個肚突左出黎？」，我話：「係呀，有個小生命係裏面。」，過了一會，有四、五個小妹妹走到我面前一輪咀同我講：「姑娘，有ＢＢ唔可以飲檸檬茶，唔可以食公仔麵，唔可以著褲，要著裙，唔可以畜皮帶，唔可以著高踭鞋......」我笑住同佢地講：「多謝你地嘅關心，我知道了。」但係我心裏想：「依次弊了，身邊原來咁多偵察機，無得偷食添！」。雖然如此，但我心裏都覺得好warm，我相信小Dom都會感受到有咁多哥哥姐姐的關心！