Enjoy Today

好耐無實實在在地行過街了，今日同一個好朋友行左半日街，由尖咀到旺角，去左一Ｄ我好久不到既地方，有Ｄ回復中學時既感覺......不過真係好累，返到屋企已經雙腳無力，可惜我發現....我仲未去睇鯊魚呀！

甄氏伉儷 新婚快樂！

有一段時間都無參與過朋友既婚禮，今次都係第一次帶住晞晞去參加我地舊鄰居既婚禮，好彩Kathy臨時可以一齊去.....Thx God！
參與依次婚禮令我感受甄氏伉儷既恩愛，又見到甄生對甄太既無微不至，真令人有點羨慕^v^祝你地 幸福快樂!!

晞晞第一次小組

今日晞晞第一次上小組，經過45分鐘的上課，晞晞的表現非常理想，佢既主動、投入，打消左課堂既悶氣。
今日只有五個小朋友上堂，但係其他小朋友較為慢熱，晞晞的笑容及緊張帶來的聲音，令老師覺得更有衝勁，老師最後讚佢一句，＂晞晞，你係最醒目，最有反應，大個社交能力應該幾好。＂
晞晞你今日叻叻，繼續努力！

平淡的六週年

今日係我同Dom少結婚6年既日子，本來plan左一個好愉快既紀念活動，點知係個幾星期前收到一個壞消息，Dom少要出trip，原本可以今日返都話起碼有餐飯食點知…仲要等多兩日：（
都好耐無試過咁失落，一早俾人探孫後，就面對住四大袋野係咁執，完事後就到亞仔，成日就忙忙忙，到左黃昏就同亞仔外出逛兩下就返左屋企，途中收到個朋友電話，佢話我有咁既表現就等於我好愛Dom少，究竟係唔係呢？

Twins 相愛六年 (KTV)

晞晞第一日返學

今日係晞晞第一日返學，但係好黑仔，因為一落樓下塞車，唯有上火車站，點知又要等左十分鐘先有車，最後遲左半個鐘先到學校，老師好快評估亞仔，玩左一陣就走了，話雖如此，Ｄ導師都好細心，亞仔又開心！^v^

「爺爺．再見了！」

今日返到公司收到一個最唔想聽到既電話---「爺爺走了」

我本以為自己可以平常心接受，但我既眼淚就不停咁流，雖然我地唔係成日見面，但我地所有既孫都好愛鍚，而最深刻印像就係爺爺同晞晞玩車車，兩個都玩得好開心........太多開心鎖碎事，亞爺走了，這些只能成為回憶。但願亞爺回到天主身邊，可以得到永生

「亞爺，你安心走吧！」

My Mother's Day 09

今年母親節較往年唔同，因為今日full booking，一早起身就參與中心員工會舉辦嘅流水嚮BBQ，今日氣溫有29度，不過好彩時晴時陰，又有風，美食方面都算ok啦，除左一般野食外，仲有大蝦同大眼雞，燒完之後就入去青衣亞哥屋企，由哥哥嫂嫂親自下廚主理一餐好豐富旣母親節海鮮餐，今次係我地一家試亞哥親自下廚既晚飯，原來佢都識煮野食家，真係唔簡單，今年真係有一個又warm又齊全既Mother's Day !

晞晞的新玩伴

依隻係一隻笑到你肚都痛既電動Elmo,只要你按佢既肚臍、下巴或者腳指，佢就不停咁笑，笑到跌落地又自己起返身，做足半分鐘。而晞晞就好專心睇到眼都唔眨，之後有Ｄ強顏歡笑，都唔佢見到開心定唔開心水呢？

情人節的小玩意

今年情人節並無收到花，又無一餐極之昂貴既晚餐，但係我一樣都覺得好開心。因為係我地食完飯之後，我地既餘慶節目就係砌花，其實一Ｄ都唔香單，要將44塊不知從何入手既膠塊，砌成一朵立體玫瑰，我同Dom少用左大約一個鐘就砌成，唔知叫做快定慢，但我好享受個過程，而且依朵花仲可以永恆不滅，一世都係身邊。^v^

環保小手工

今日幫我老細帶一個手工小組（三男四女），唔知係咪好耐無帶，我都係俾自己70分咋，今次教佢地用益力多樽加珠片做既「日本鯉魚」吊飾，so far大家都做得唔錯，因為小朋友十分滿足，見到佢地好開心咁攞住條魚走，我都好開心！

Happy Valentine's Day 09

LOVE

FOREVER

老公送給我的情人節歌

EVERYTHING   王力宏

故事裡的 起承轉合 有一些忘記 

做了多少錯誤的選擇 


原來波折才暗示著 該走的方向 

指引你我來到這一刻 


就算別人都說  我們沒什麼出息 

不可能會這樣輕易放棄 



Cause you're my everything 

就一個原因 讓我勇敢面對這個世界 

想給你everything
不管用多少個明天 

永遠從此刻開始算起 

你的愛是我的everything 



遼闊天際  巧合相遇  有多少機率 

多少煙火墜落無痕跡 


因為幸福  沒有捷徑  難免要繞道

不被看好越是要走到 


就算別人都說  我們沒什麼出息 

不可能會這樣輕易放棄 



你就是everything 
就這個原因
讓我勇敢面對這個世界
想給你everything  只要你說一聲願意
所有的未來才有意義 

你的愛是我的everything



Cause you're my everything 

就這個原因  讓我勇敢面對這個世界 

想給你everything  不管用多少個明天 

永遠從此刻開始算起 


你就是everything 
就如這個原因
我會永遠記得這住感覺
想給你everything  只要你說一聲願意 

所有的未來才有意義
你的愛是我的everything

Change my hair style

剪髮前                            剪髮後

  

今日終於的起心肝，將我前前後後留左大約十年既長髮，經髮型師一剪，剪去約十二吋既頭髮，我一Ｄ都唔覺得可惜，俾大家有一個煥然一新既感覺，大家見個面睇下ok唔ok?

「左撲右撲」夫人

因為Molly爸爸係１３號有個chocolate Show既關係，我就做「左撲右撲」夫人，搵到一盒好想要既彩莎朱古力。因為過年前依盒朱古力係斷晒市，我又心血來潮要依盒朱古力親手做個花籃俾Ｍ爸，好彩皇天不負有心人，終於俾我走遍全個ＴＫＴ，最後都俾我搵到，Thx God!

常識IQ題

俾一分鐘時間大家，估下依兩個係咩生果........

答案係：（左邊）橙，（右邊）柑

眼界IQ題

請於一分鐘內搵出晞晞ＢＢ。

年初七．團拜日

今日一早起身就趕住返中心團拜，亞仔睇到Ｄ舞龍舞獅都好開心，跟住就去三姨屋企拜年，放低亞仔一陣，我就去街市掃齊今晚要食既野，之後就返屋企等人到。因為今年黎屋企拜年既朋友人流不定，原本諗住整野食，最後都變左做火煱，令到大家有Ｄ失望，我都知有兩年新年無煮野食俾大家，放心啦，我懶埋今年出年就有好野啦！不過大家都係智在相聚一刻，當晚玩得開心就ok啦！

一家大細去睇戲

今日係赤口，唔打算四周圍拜年，係屋企休息左大半日我地就決定一家去睇戲，原本打算同亞仔睇波兒，但係屋企同佢睇tranner時，決定睇「瑪利與我」。

依齣係一齣好感人既戲，而戲中既金毛表現出色，係一隻傻、癲、狂集於一身既金毛，令我諗起我地隻百厭小Jack，唔知佢依家點呢？晞晞都睇得好投入，但睇到隻狗年老時感動時，佢就開始坐唔定，攪到我又喊又笑。

恭賀新禧！大年初一

大年初一，一早例必到Dom家拜年，晞晞今年就開心了，配上一套新年服，非常醒目，直到下午先返屋企，至後就係電視機旁睇花車巡遊，晞晞就睇到手舞足蹈，真係易滿足。

牛年進步！

恭 喜 發 財 ！

心 想 事 成 !

年三十．自家團年飯

年年有餘

魚年糕是也！

我們的岸上波兒﹣﹣﹣晞晞

晚上我地去左新世紀廣場食飯，剛好上面大堂prmo緊電影「岸上的波兒」，晞晞睇到眼都唔眨，我同Dom少都不約而同覺得晞晞同波兒好像樣，尤其是對大眼睛，大家睇下似唔似？

有趣物......?

                變身前                                       變身後

  

學託新年

Happy New Year 2009

HAPPY

NEW YEAR

dwb

晞晞生日快樂！

願晞晞 快高長大！ 人見人愛！

Max's 1st Birthday Party 28122008

Happy Birthday to my Max! 雖然今日未係小晞既正式生日，但係我就同佢係尖沙咀Macro Polo Gateway Hotel搵左個小型生日會，當日早上十一點幾就到左酒店等各方好友，每個朋友都好客氣，送左好多禮物俾晞晞，Thx! 果到Ｄ野食都唔錯，夠新鮮，而且密密出，而Ｄ甜品更好味，可以自己做pancake，加埋個「哈跟da」雪糕就一流。
果日我同Dom少都無咩食，只係掛住同朋友傾下講下，到左蛋糕時間，晞晞未切就想食，當大家影完幾張大合照後，晞晞就急不及待咁偷食左一口，真係名正言順「貪食Ｂ」。大家個日都食得開心，玩得開心，當然我地作為主人家更係有小回禮俾大家，唔會令大家帶梳蕉回家。多謝各位！

平安夜

學託聖誕BBQ

晞晞與狗 （三）

聖誕大食會

今日係湊晞晞既三姨屋有一個慶祝冬至兼聖誕既大食會，連ＢＢ一共有19個人，仲要有成十幾樣野食，連張大枱都放唔晒，至於Ｄ食物好唔好味?你睇晞晞個樣就知「GOOD」啦！咁多野當然食唔晒，最後大家就要take away la!

邀請各方好友參加 ﹣﹣﹣晞晞生日會

晞晞與狗 （二）

冬至日「家庭日」

每年既冬至我地都好忙，因為會食兩餐飯，當然係早上同Dom少屋企一餐六國酒店自助餐，晚上返回娘家食康太廚房既冬至大餐，雖然唔算係多菜式，只係六餸一湯，但勝在夠warm，一家人係歡笑聲渡過，最後當然要黎返張大合照啦！

晞晞與狗 （一）

晞晞農曆生日快樂！

晞晞，生 日 快 樂 ！

小晞的第四隻牙

小晞晞第四隻牙仔(即左上門牙)終於出世了，但剛好又遇着發燒，Dom少更係好緊張，我就唯有留守大本營，頂住眼瞓check實小晞的體溫，希望佢快Ｄ好番，我就有覺好瞓。

同事一聚

約左三個月的同事飯局終於成事，我地去到大角咀一間叫「力奇」既火煱店烚烚下，果到Ｄ野都算抵食，但係我地姑娘一Ｄ都唔慳，叫哂全場最貴既野食聚一聚,雖然埋單每人要成百大元，但都算物有所值，樣樣都好足料，尤其Ｄ珍寶蠔，烚完仲有10cm長食，比起第二Ｄ5cm都唔知有無得食。雖然九個人食左成千蚊，應該好飽，但食得唔多野，因為我返到屋企就已經肚餓，仲要食左一個雞亦麵同豆沙包先瞓得着，唔知係我唔夠飽定係我生「漬」呢!?