Winny Dream World

2009年1月25日星期日

2009年1月23日星期五

2009年1月20日星期二

我們的岸上波兒﹣﹣﹣晞晞

晚上我地去左新世紀廣場食飯，剛好上面大堂prmo緊電影「岸上的波兒」，晞晞睇到眼都唔眨，我同Dom少都不約而同覺得晞晞同波兒好像樣，尤其是對大眼睛，大家睇下似唔似？

2009年1月18日星期日

2009年1月1日星期四

2008年12月31日星期三

2008年12月28日星期日

Max's 1st Birthday Party 28122008

Happy Birthday to my Max! 雖然今日未係小晞既正式生日，但係我就同佢係尖沙咀Macro Polo Gateway Hotel搵左個小型生日會，當日早上十一點幾就到左酒店等各方好友，每個朋友都好客氣，送左好多禮物俾晞晞，Thx! 果到Ｄ野食都唔錯，夠新鮮，而且密密出，而Ｄ甜品更好味，可以自己做pancake，加埋個「哈跟da」雪糕就一流。
果日我同Dom少都無咩食，只係掛住同朋友傾下講下，到左蛋糕時間，晞晞未切就想食，當大家影完幾張大合照後，晞晞就急不及待咁偷食左一口，真係名正言順「貪食Ｂ」。大家個日都食得開心，玩得開心，當然我地作為主人家更係有小回禮俾大家，唔會令大家帶梳蕉回家。多謝各位！

2008年12月24日星期三

平安夜

學託聖誕BBQ

2008年12月23日星期二

晞晞與狗（三）

聖誕大食會

今日係湊晞晞既三姨屋有一個慶祝冬至兼聖誕既大食會，連ＢＢ一共有19個人，仲要有成十幾樣野食，連張大枱都放唔晒，至於Ｄ食物好唔好味?你睇晞晞個樣就知「GOOD」啦！咁多野當然食唔晒，最後大家就要take away la!

2008年12月22日星期一

邀請各方好友參加 ﹣﹣﹣晞晞生日會

2008年12月21日星期日

晞晞與狗（二）

冬至日「家庭日」

每年既冬至我地都好忙，因為會食兩餐飯，當然係早上同Dom少屋企一餐六國酒店自助餐，晚上返回娘家食康太廚房既冬至大餐，雖然唔算係多菜式，只係六餸一湯，但勝在夠warm，一家人係歡笑聲渡過，最後當然要黎返張大合照啦！

2008年12月20日星期六

晞晞與狗（一）

晞晞農曆生日快樂！

晞晞，生日快樂！

2008年12月6日星期六

小晞的第四隻牙

小晞晞第四隻牙仔(即左上門牙)終於出世了，但剛好又遇着發燒，Dom少更係好緊張，我就唯有留守大本營，頂住眼瞓check實小晞的體溫，希望佢快Ｄ好番，我就有覺好瞓。

2008年12月2日星期二

同事一聚

約左三個月的同事飯局終於成事，我地去到大角咀一間叫「力奇」既火煱店烚烚下，果到Ｄ野都算抵食，但係我地姑娘一Ｄ都唔慳，叫哂全場最貴既野食聚一聚,雖然埋單每人要成百大元，但都算物有所值，樣樣都好足料，尤其Ｄ珍寶蠔，烚完仲有10cm長食，比起第二Ｄ5cm都唔知有無得食。雖然九個人食左成千蚊，應該好飽，但食得唔多野，因為我返到屋企就已經肚餓，仲要食左一個雞亦麵同豆沙包先瞓得着，唔知係我唔夠飽定係我生「漬」呢!?

2008年11月27日星期四

回禮小禮物

一般既結婚回禮小禮物都離不開朱古力、蜜糖、匙扣等，而今次佢地既回禮小禮物是一對「牙刷」，初時收到都覺得有Ｄ怪怪的，再經MC一言驚醒夢中人，因為Elton同Berni 兩個係美國都係牙醫，佢地話愛對方之餘亦要愛我地既牙齒，因為佢地係一生一世，聽起好sweet，但係又好真，收到一份既實用又close的回禮，So Good!

Berni & Elton's Wedding

當「咩事」與上「邊到」（二）

2008年11月21日星期五

Happy Birthday to Mr. & Mrs Hong

Happy Birthday !

2008年11月19日星期三

當「咩事」與上「邊到」（一）

大「咩事」兩個幾月既表哥仔「邊到」返嚟香港，當然大家要見個面接招啦！第一次見BB互相交流既情況，真係好得意，佢地首先係互望認識下對方，然後就你掂下我，我掂下你，跟住就互摸格手，最後係你有你玩，我有我玩，得閒就八下對方做緊咩，最後「邊到」抵唔住眼瞓，「咩事」就整鬼佢，親佢瞓著就掹下人地對襪叫醒人，「邊到」一於少理，繼續叉電瞓覺。欲知後事如何，請聽下回11月27日分解.....

2008年11月18日星期二

正飽

今日無啦啦想食個甜飽，所以就去左我最鍾意買麵飽既「飽點先生」買麵飽，繼上次「吞拿鯉魚」後，又一極之吸引的「箭豬紅豆」，凈係睇佢既外形已經好得，食落去仲得，豆沙同麵飽既比例啱啱好，真係唔錯，唔知下次又有咩新攪作呢？！好期待．．．

2008年11月16日星期日

晞晞的第一次．．．見雪雪

晞晞出左世咁耐一直都未見過雪雪，見今日timing啱就帶小晞去探下雪雪，一入到屋見到雪雪既熱情招待嚇怕左小晞，小晞一見到雪雪就喊，但雪雪真係好乖，無成機攪事，只係望下，不過小晞就扮晒驚，自己又要搵雪雪黎望，望到又喊住叫唔好，攪左半個鐘都唔收聲，累就瞓左陣，最後都係唯有走，希望下次見到佢既時候可以玩耐Ｄ！

其實今次見完雪雪之後，都唔知幾時可以再見，真係有Ｄ唔捨得，不過最開心的莫過於佢返去舊主人到，而且見佢又咁生性，仲得到人地既悉心照料，有一個開心快樂既家，依一樣係我最值得安慰同放心，真係要講聲「多謝，Curris！」

2008年11月15日星期六

又喊又笑，唔知點算

今晚我地約左陳氏夫婦係屋企食飯，放工湊亞仔返到屋企，一入屋陳生就急不及待咁吼個頭同亞仔玩，唔知係咪因為亞仔未心理準備穾然間俾一團黑雲遮住，嚇到佢喊，但我抱住佢的時候，天生愛八嘅小晞又回復本性，係好驚既心情下去偷望陳生，攪到自己又喊又笑，我地就笑到碌地，真係十分矛盾。可能陳生本性善良，最後用佢既真誠同跨張既表情打動左小晞既芳心，玩個不停，連瞓覺都只係叉叉再起身玩過，真係名符其實既「爛玩精」。