回禮小禮物

一般既結婚回禮小禮物都離不開朱古力、蜜糖、匙扣等，而今次佢地既回禮小禮物是一對「牙刷」，初時收到都覺得有Ｄ怪怪的，再經MC一言驚醒夢中人，因為Elton同Berni 兩個係美國都係牙醫，佢地話愛對方之餘亦要愛我地既牙齒，因為佢地係一生一世，聽起好sweet，但係又好真，收到一份既實用又close的回禮，So Good!

Berni & Elton's Wedding

Berni & Elton's Wedding

當「咩事」與上「邊到」（二）

Happy Birthday to Mr. & Mrs Hong

Happy Birthday !

                              

當「咩事」與上「邊到」（一）

大「咩事」兩個幾月既表哥仔「邊到」返嚟香港，當然大家要見個面接招啦！第一次見BB互相交流既情況，真係好得意，佢地首先係互望認識下對方，然後就你掂下我，我掂下你，跟住就互摸格手，最後係你有你玩，我有我玩，得閒就八下對方做緊咩，最後「邊到」抵唔住眼瞓，「咩事」就整鬼佢，親佢瞓著就掹下人地對襪叫醒人，「邊到」一於少理，繼續叉電瞓覺。欲知後事如何，請聽下回11月27日分解.....

正飽

今日無啦啦想食個甜飽，所以就去左我最鍾意買麵飽既「飽點先生」買麵飽，繼上次「吞拿鯉魚」後，又一極之吸引的「箭豬紅豆」，凈係睇佢既外形已經好得，食落去仲得，豆沙同麵飽既比例啱啱好，真係唔錯，唔知下次又有咩新攪作呢？！好期待．．．

晞晞的第一次．．．見雪雪

晞晞出左世咁耐一直都未見過雪雪，見今日timing啱就帶小晞去探下雪雪，一入到屋見到雪雪既熱情招待嚇怕左小晞，小晞一見到雪雪就喊，但雪雪真係好乖，無成機攪事，只係望下，不過小晞就扮晒驚，自己又要搵雪雪黎望，望到又喊住叫唔好，攪左半個鐘都唔收聲，累就瞓左陣，最後都係唯有走，希望下次見到佢既時候可以玩耐Ｄ！

其實今次見完雪雪之後，都唔知幾時可以再見，真係有Ｄ唔捨得，不過最開心的莫過於佢返去舊主人到，而且見佢又咁生性，仲得到人地既悉心照料，有一個開心快樂既家，依一樣係我最值得安慰同放心，真係要講聲「多謝，Curris！」

又喊又笑，唔知點算

今晚我地約左陳氏夫婦係屋企食飯，放工湊亞仔返到屋企，一入屋陳生就急不及待咁吼個頭同亞仔玩，唔知係咪因為亞仔未心理準備穾然間俾一團黑雲遮住，嚇到佢喊，但我抱住佢的時候，天生愛八嘅小晞又回復本性，係好驚既心情下去偷望陳生，攪到自己又喊又笑，我地就笑到碌地，真係十分矛盾。可能陳生本性善良，最後用佢既真誠同跨張既表情打動左小晞既芳心，玩個不停，連瞓覺都只係叉叉再起身玩過，真係名符其實既「爛玩精」。

賣物會的收穫

一年一度明愛賣物會又到，諗住興致勃勃去做慈善，入下玩具，點知我地一家行左兩個鐘，最後只有......一蛙一鴨贈晞晞。

樂天派獎門人....晞晞

晞晞的第一次．．．晞晞playground

今日見間屋執多左一個空地，就成左晞晞的playground，睇佢玩得幾開心，就知佢對依個playground有幾滿意啦！

晞晞的第一次．．．Halloween

我地盛裝打扮的晞晞出場了，穿上一身貴族吸血彊屍裝的晞晞，繼續佢親民嘅形象，向四周的陌生人報以燦爛的微笑，迷倒不少的俊男美女都同佢影返張相，令到依一個Halloween多左一個「cute施」。

學託哈囉喂 ^w^

做小朋友真開，不論什麼時節都有慶祝活動，連哈囉喂都要攪作一番，睇佢地份茶點有幾豐富就知啦，仲要有禮物收，真係辛苦晒Ｄ姑娘。

Trick or Treat

Happy Halloween！

俾啖我呀....:p

晞晞望住樂樂哥哥杯乳酪......好想食啖呀，我又想試吓''Yummy''

我的鋼琴大師 ﹣﹣﹣晞晞

姓名：Max Shi
年齡：10個月
級數：大師級

四代同堂

終於完成左我一個心願了，在此要多謝Dom少一直嘅大力支持，因為一直我都希望晞晞可以同佢太公（即我爺爺）影一張合照，對好多人黎講可能只係相片一一張，但對我黎講就意義重大，因為四代齊齊整整係一件好難得嘅事，要我地專程到澳門我都覺得值得的，見到我亞爺摸下晞晞嘅開心滿足樣已經值回票價啦！

好心好報

林峰----愛不疚

Twins---相愛六年

忙裏偷閒之 十．一國慶

湊左亞仔咁耐，終於可以放低佢同Dom少拍拖。我地行左去朗豪坊行左一個圈，都無戰利品，咁就左玩擲彩虹倒錢落海，最後得到就係一個米老鼠嘅百達嘟套，都好過無，之後就同Dom少食左個high tea,少少地都唔錯，之後再行過，但原來獲得最多戰利品的，竟然係無帶佢出境的﹣﹣﹣晞晞B。

明天你要嫁給我---陶喆，蔡依林

愛很簡單----陶喆

中秋慶團圓

我最愛遲來的生日禮物

晞晞今日送左一份令我好難忘生日禮物，亦達成左我的生日願望之一，就係晞晞會開聲叫『媽媽』，

「全家福」

多謝超人的全家福手繪^o^

無奈的一天

尋晚我真係擔心左成晚，因為小晞唔係普通發燒咁簡單，原來醫生話佢染左一種「合胞性病毒」，係上呼吸道受感染病，佢依隻菌都好勁，所以引致小晞有急性支氣管炎，要大約一個星期先完全好返，我聽完梗係緊張，半佢又退唔到燒，仲係徘徊38度幾，飲唔落奶又嘔奶之餘，心跳仲上到over 200，本來我要求送佢入ICU，但護士話果邊有小朋友搶救緊，我只好等...希望個個都無事啦！

小晞要留院呀 -_-

因為小晞燒左三日都退唔到燒，所以一大清早我同Dom 少最後都係決定同小晞去急症室。可能9點幾都算早，大概半個鐘就攪掂，但小晞要留院，我就要陪佢過夜，除左生仔之外，都算係第一次，鬼叫我信唔過Ｄ護士咩。唔知叫好彩定唔好彩，係我地睇醫生之後，旺角就發生大火，有好多傷者送左入廣華，希望大家都平安啦！

真擔心，仲未退燒

到左今日小晞Ｄ燒都退唔到，而且又忽高忽低，都唔知點算好，尋日已經瞓唔到，每兩三個鐘就check一次，真係唔係好想去醫院呀！

晞晞的第一次．．．發燒

2008年8月8日是中國人的大日子，就係四年一度的奧運會，仲要係我地的祖國舉辦。但對我黎講非常難忘，因為晞晞今日突然發燒37.8度，雖然同佢睇左醫生，但係摸到佢咁熱又咁辛苦都有Ｄ擔心，所以我都唔敢行開，一直陪住佢，人地就開開心心睇開幕禮，我就擔擔心心陪小晞。

有緣醫生．．．

今日去做產後婦科檢查，竟然俾我遇到係我懷孕期間我最信任的廣華婦產科顧問醫生梁永昌醫生，因為由我有左小Dom第12週開始我遇到他幫我做檢查照超聲波，佢俾左好大嘅support我好安心咁繼續享受我的懷孕期，係我咁多次檢查只有三次唔係佢，而係我生小Dom的日子都係佢講服我催生，雖然到最後都無，生完之後佢仲好有心黎睇下我，真係令到我對醫院改觀，最後仲由佢幫我做產後檢查，真係為我今次生BB劃上一個完美的句號。多謝梁醫生！

晞晞主角

今日係同晞晞擺滿月的大日子，當然要著返件靚衫，擺好個姿勢影返張相啦！仲有要多謝我地一班好友出席啦！

My Valentine

My  Dearest  MaxShi

YYYYYYY

恭賀新禧！

新年進步！大年初一，帶左小Dom的戰車去Dom少屋企拜年之後，就一家人去行大運，由灣仔碼頭出發，搭船到尖沙咀，行下海運、玩具反斗城買玩具，最後係Hallmark買左一套飲衫俾小Dom擺滿月時著，之後就大家齊齊搭的士回家。

小Dom滿月了

有名有份的“晞晞”

我同Dom的結晶品除左面世之外，終於都攞左出世紙決定到佢個字號叫“國晞”，英文名叫“Max”(Maximilian)是主教的一個聖人，解最偉大的，連埋個姓一齊讀就係叫Maxshi，即係法文“多謝”，我好多謝天主俾左一份咁偉大的禮物俾我地，我地會好好培育佢。而中文名就係希望佢能夠做一個頂天立地而帶有希望的人，使佢人生更精彩。

小Dom回家了

我地終於可以一家團聚了！

忙碌的開始

雖然小Dom仲係醫院，唔好以為可以好輕鬆，係佢住院期間，我每日就來回屋企醫院三轉，見醫生、餵奶同罰企，因為探BB時唔準摸唔準抱，只可以企係睇住個B一個鐘；而Dom少就每日六點鐘準時放工，然後飛的來睇小Dom，今個月我地大部份的開資就係交通﹣﹣﹣的士

我出院了

本來尋日可以出院，但因為天氣太冰凍的關係，係醫院住多日先出院。今日只有我出院，小Dom仲要留院休息，自我懂事以來今次係我第一次住醫院。起初我覺得醫院係一個幾可怕的地坊，又無得外出，俾人監視，好似一個監獄咁，但經過今次五日四夜的生仔旅程後，我對醫院有Ｄ改觀，原來Ｄ姑娘都好好人，都幾有親切感，而且Ｄ工友都照顧得好周到，又有人安排你的一日三餐＋宵夜，你只要得閒隔幾個鐘俾護士量下血壓，問下問題就得，有如旅行一樣，好彩今次係同房識左幾個朋友仔，都可算係大有收穫，原來住醫院都唔係咁可怕。

難忘的元旦2008

Happy New Year ! 今年係一個好特別的元旦，因為係醫院度過， 而且仲有一個新成員小Dom的出世，唔知係咪佢仲差一個鐘就十二點，條氣有Ｄ唔順，要係箱仔觀察，真係擔心死人了，所以今年的新年願望就係...祝願大家身體健康！小Dom強強壯壯！