明天你要嫁給我---陶喆，蔡依林

愛很簡單----陶喆

中秋慶團圓

我最愛遲來的生日禮物

晞晞今日送左一份令我好難忘生日禮物，亦達成左我的生日願望之一，就係晞晞會開聲叫『媽媽』，

「全家福」

多謝超人的全家福手繪^o^

無奈的一天

尋晚我真係擔心左成晚，因為小晞唔係普通發燒咁簡單，原來醫生話佢染左一種「合胞性病毒」，係上呼吸道受感染病，佢依隻菌都好勁，所以引致小晞有急性支氣管炎，要大約一個星期先完全好返，我聽完梗係緊張，半佢又退唔到燒，仲係徘徊38度幾，飲唔落奶又嘔奶之餘，心跳仲上到over 200，本來我要求送佢入ICU，但護士話果邊有小朋友搶救緊，我只好等...希望個個都無事啦！

小晞要留院呀 -_-

因為小晞燒左三日都退唔到燒，所以一大清早我同Dom 少最後都係決定同小晞去急症室。可能9點幾都算早，大概半個鐘就攪掂，但小晞要留院，我就要陪佢過夜，除左生仔之外，都算係第一次，鬼叫我信唔過Ｄ護士咩。唔知叫好彩定唔好彩，係我地睇醫生之後，旺角就發生大火，有好多傷者送左入廣華，希望大家都平安啦！

真擔心，仲未退燒

到左今日小晞Ｄ燒都退唔到，而且又忽高忽低，都唔知點算好，尋日已經瞓唔到，每兩三個鐘就check一次，真係唔係好想去醫院呀！

晞晞的第一次．．．發燒

2008年8月8日是中國人的大日子，就係四年一度的奧運會，仲要係我地的祖國舉辦。但對我黎講非常難忘，因為晞晞今日突然發燒37.8度，雖然同佢睇左醫生，但係摸到佢咁熱又咁辛苦都有Ｄ擔心，所以我都唔敢行開，一直陪住佢，人地就開開心心睇開幕禮，我就擔擔心心陪小晞。

有緣醫生．．．

今日去做產後婦科檢查，竟然俾我遇到係我懷孕期間我最信任的廣華婦產科顧問醫生梁永昌醫生，因為由我有左小Dom第12週開始我遇到他幫我做檢查照超聲波，佢俾左好大嘅support我好安心咁繼續享受我的懷孕期，係我咁多次檢查只有三次唔係佢，而係我生小Dom的日子都係佢講服我催生，雖然到最後都無，生完之後佢仲好有心黎睇下我，真係令到我對醫院改觀，最後仲由佢幫我做產後檢查，真係為我今次生BB劃上一個完美的句號。多謝梁醫生！

晞晞主角

今日係同晞晞擺滿月的大日子，當然要著返件靚衫，擺好個姿勢影返張相啦！仲有要多謝我地一班好友出席啦！

My Valentine

My  Dearest  MaxShi

YYYYYYY

恭賀新禧！

新年進步！大年初一，帶左小Dom的戰車去Dom少屋企拜年之後，就一家人去行大運，由灣仔碼頭出發，搭船到尖沙咀，行下海運、玩具反斗城買玩具，最後係Hallmark買左一套飲衫俾小Dom擺滿月時著，之後就大家齊齊搭的士回家。

小Dom滿月了

有名有份的“晞晞”

我同Dom的結晶品除左面世之外，終於都攞左出世紙決定到佢個字號叫“國晞”，英文名叫“Max”(Maximilian)是主教的一個聖人，解最偉大的，連埋個姓一齊讀就係叫Maxshi，即係法文“多謝”，我好多謝天主俾左一份咁偉大的禮物俾我地，我地會好好培育佢。而中文名就係希望佢能夠做一個頂天立地而帶有希望的人，使佢人生更精彩。

小Dom回家了

我地終於可以一家團聚了！

忙碌的開始

雖然小Dom仲係醫院，唔好以為可以好輕鬆，係佢住院期間，我每日就來回屋企醫院三轉，見醫生、餵奶同罰企，因為探BB時唔準摸唔準抱，只可以企係睇住個B一個鐘；而Dom少就每日六點鐘準時放工，然後飛的來睇小Dom，今個月我地大部份的開資就係交通﹣﹣﹣的士

我出院了

本來尋日可以出院，但因為天氣太冰凍的關係，係醫院住多日先出院。今日只有我出院，小Dom仲要留院休息，自我懂事以來今次係我第一次住醫院。起初我覺得醫院係一個幾可怕的地坊，又無得外出，俾人監視，好似一個監獄咁，但經過今次五日四夜的生仔旅程後，我對醫院有Ｄ改觀，原來Ｄ姑娘都好好人，都幾有親切感，而且Ｄ工友都照顧得好周到，又有人安排你的一日三餐＋宵夜，你只要得閒隔幾個鐘俾護士量下血壓，問下問題就得，有如旅行一樣，好彩今次係同房識左幾個朋友仔，都可算係大有收穫，原來住醫院都唔係咁可怕。

難忘的元旦2008

Happy New Year ! 今年係一個好特別的元旦，因為係醫院度過， 而且仲有一個新成員小Dom的出世，唔知係咪佢仲差一個鐘就十二點，條氣有Ｄ唔順，要係箱仔觀察，真係擔心死人了，所以今年的新年願望就係...祝願大家身體健康！小Dom強強壯壯！

小Dom出來了！

今日瞓到半夜三點幾，感到有Ｄ肚痛，原來依Ｄ叫“陣痛”，終於忍唔住七點幾返到醫院，經醫生檢查後，話今日可以生，我即刻嚇左一跳，雖然有心理準備，但實在有Ｄ緊張...就係咁大概十點就俾人推左去候產房。最初我都忍得痛，但到左十二點幾俾醫生篤穿水之後，痛就漸漸強烈，只係開得兩度，到左四點幾開到四度，終於忍唔住吸止痛劑同打針，係昏昏迷迷的狀態下，等到八點醫生話都係開到六度，再過多半個鐘，醫生突然話開到九度，護士就立即通知係產房外等候多時的Dom少入產房陪我生仔。我用左個多小時，係Dom少同我一齊見證下，係11:03p.m.小Dom出世了，重2.43kg，佢第一眼望望Dom少，再望下我，同我地一齊過元旦。我開心感動之餘又覺得好累，依個痛與愛的經歷，真正令我畢生難忘！

作好最後準備

返到屋企，當然要為迎接小Dom的來臨作出最後同最好的準備啦。除左安排物品之外，仲要安排家中兩寶的問題，小Jack要係聽日去petshop，而雪雪就留在家中陪Dom少，有待BB出世之後再送去宿營，希望兩個都可以習慣宿營生活啦！

Home Leave

返工有sick leave,醫院有home leave. 因為我尋晚一路都keep得住Ｄ血壓，醫生話可以唔駛咁快催生，可以俾兩日home leave我，但醫生話BB size 雖然細左Ｄ，但配合返我的身形其實都ok，對我黎講Ｂ大未必一定好，因為怕難出，所以都會建議我下星期生。唔知係咪小Dom知道依個問題，定係佢想做元旦仔的關係，今日一早俾我見紅，令到我有Ｄ慌亂，但又有Ｄ驚喜，因為有機會可以唔駛催生嘛。

入院的第一天

今朝一早起身，本應到醫院例行檢查就可以返屋企，點知知醫生話我的下壓較高而且週數又足，不如就入院催生啦，聽完嚇到我面都青。好彩廣華Ｄ助產士同護士長都好好，見我一個人入院，都黎安慰我，又俾間雙人房我住，直到Dom少同亞媽黎睇我，就放鬆左Ｄ，直至晚黑Ｄ血壓就回復正常。其實成晚我都瞓唔到，除左有Ｄ驚之外，再加上Ｄ人會行來行去，眼瞓死我了!

美味小Jack

點解小Jack會變左依個樣？佢唔係食左酸梅，而係食左佢嘅至愛---『麵包』，好味到黏黏脷！>_<

Merry Christmas！

祝大家聖誕快樂！我地買左份聖誕禮物俾屋企孖寶，睇下佢地有幾愛就知啦！ 爆機雪 + DJ Jack

平安夜，產假的第一天

終於開始我的第一日產假，又係24號平安夜，去完睇醫生，就同SamSam去左又一城Taste買左Ｄ野食入Sam家燒烤，係Taste串來插去，好辛苦咁買齊要的物品，等齊兩位老細齊齊BBQ，等到８點幾Dom少出現，話咁快就透起爐，開始BBQ，Ｄ野食又正，不知不覺燒到兩點幾三點，大家有Ｄ累，返到屋企整埋對孖寶，係四點幾終於有得瞓，雖然今年無去尖沙咀倒數，但係就非常滿足。

Dom少真偉大

今日Dom少好偉大咁幫小Dom砌好張BB床，大家都好辛苦咁將Ｄ野執完又執，終於都整到七七八八，果然係做爸爸的偉大，平時要執屋都無人理，今次為左ＢＢ真係勞心勞力，亳無怨言，而且佢又錫住我，唔駛做，真係要講聲 “多謝老公”!

發悶的小Jack

小Jack今晚同醫生有個約會，就係一年一度打針日。佢去到診所等左好耐....好耐，見到隻貓都好無耐，唯有你眼望我眼互望對方。打完針後，佢飛快咁返回佢地頭---花虛，又開始作威作福，先聲奪人的生活。

小Dom的第37週

眨眼小Dom今日終於踏入37週，即係話小Dom足週數之餘，佢會隨時準備出世。而家的心情都係一般啦，唔敢太興奮，但係又有Ｄ期待。今日我同Dom少總共收到3份送俾小Dom的禮物，多謝晒朋友們!

又驚又喜的一天

今朝一早去左睇醫生，今次唔係梁醫生，可能依個關係，第二個醫生為左安全就叫我過醫院果邊check BB心律是否正常，如果唔OK就要留院，真係嚇到我面都白晒，因為入醫院對我黎講係一個大敵，好彩聽完半個鐘一切都正常，走得！就係咁醫院就收左我$150的所為入院＋住院費，唔係掛，我無住過都要收$，就當破財擋災啦。不過有樣開心的就係...仲有3日小Dom就足37週，即係話佢唔屬於早產B，我就放心晒了!

好慘呀，失眠呀

由星期日開始我有Ｄ失眠的跡象，唔知係咪因為越黎越接近小Dom出世的關係，有Ｄ緊張。係前個9個月我都可以好冷靜，keep得自己的心情好好，但係唔知點解係依個星期有Ｄ改變，開始憂慮要入醫院，因為依個地方令到我好陌生，好怕。我好努力將依種情緒收起，但都敵不過我身邊的人，包括Dom少同公司人，我唔想令到我身邊的人擔心，我知道我要儲足精神迎接小Dom。

倒數小Dom一個月

今日係小Dom出世倒數一個月的第一天，我就選擇左去睇醫生。醫生話BB都達標，但我就覺得差少少，因為上次有B+,今次只有B-，可能近排工作有Ｄ忙，除左正常工作外，我仲要預備一Ｄ我放產假時要做的安排，我想就算放假都可以keep住班小朋友。今次醫生話我知小Dom有2423gm，嘩！原來我已經日日陀住5磅幾的人仔週圍走，不過我都感到好自在。

聖誕燈飾（二）

今日係尖沙咀睇完醫生，順道去行下，原來四週都充滿聖誕購物潮，不論係咩鋪頭，都見到人來人往，對於我依個大肚婆黎講真係有Ｄ難道，或者係挑戰自己的耐力，但係到最後都要休息，雖然如此，但我地都係海運同海旁影左Ｄ相，都算「到此一遊」呀!

聖誕燈飾(一)

今晚係我今年第一次睇燈飾，朗豪坊今年做左個白色公園，內藏好多白色動物。今晚係陪我一個由毛里求斯返黎的姪女一齊去，睇落去似我朋友多個親戚，話咁快都廿歲，時間過得真係快，攪到我突然覺得....又長大了。

夜半怪傑

話說尋晚我地全家正在睡夢中的時候，我同Dom少都聽到床下底傳來一陣怪聲，唔通有......，唯有伸個頭去睇下，啊！原來係...小Jack夜半歌聲，擾人清夢。話雖如此，可能佢發緊歌星夢，不過我諗佢苦練多一段日子先可以出碟了。

亞Jack小基地

我地的小寶亞Jack終於搵到佢既基地了。話說我地換左張床之後，佢發現到背後同下面有一個可以容納佢的小洞，從此就成為佢的避難所，同雪雪追逐時佢就會跑入去，因為佢知道家姐唔夠佢體型小，除此之外，依個小洞仲係佢同周公公約會的好地坊，出入自由，無人阻擋，簡直係佢的小天堂。

上堂了！

今日同Dom少一齊去上了，當然係為左小Dom啦，因為要一齊迎接小Dom的來臨，我地就要一齊聽左3個鐘頭。其實內容都大同小異，睇Ｄ雜誌都會略知一二，其實我地最終目的都係為左...Dom少可以入黎陪我分娩，嘻嘻！

Ho Yin Wedding

恭喜！恭喜！亞哥終於成家立室了。之前同佢預備的都得到，睇到佢地結婚都有少少感動，令我回憶起自己４年前結婚的情況，眨眼自己原來都結左婚4年，時間過得真係快，但係到左一月我地仲榮升爸爸媽媽，到時一定好熱鬧了。

忙碌的一週

終於忙完了，幫亞哥整的結婚佈置都可算是完滿，希望佢地喜歡。係到預先祝佢地...白頭偕老，永結同心！

31週的小Dom重......

踏入31週了，今日去睇醫生，醫生話小Dom一齊都好好，基本上全部都達到標準，係醫生的角度係俾左個幾意外的結果佢地，因為大家都擔心我的負荷，怎料小Dom都好爭氣，健康成長，而且又唔會令到我覺得好辛苦。今日醫生話我知佢已經有1.8kg，都非常理想，只要keep住依個進度，相信小Dom會健康咁出黎見大家。